Fidel Media ፊደል ሚድያ

የለውጥ ወጀብ ባለፉት አመታት ሀገራችንን በበጎም ሆነ በክፉ ሲንጣት መቆየቱ ይታወቃል። ይህ ተስፋ ሰጪ ከነበሩ ሁነቶች አንስቶ የለውጡን ጉዞ ህዝብ በጥርጣሬ እንዲመለከት እስካስገደዱ አንዳንድ ጨለምተኛ እንቅስቃሴዎች ድረስ በታየበት የለውጥ ሂደት ውስጥ መገናኛ ብዙሀን የተወጡት ሚና አሌ የማይባል ነው። በተለይም ደግሞ ያለፉት ሶስት አመታት የሚዲያው ምህዳር ሰፍቶ የታየባቸው ነበሩ። በዚህ ረገድ የማህበራዊ እና ኦንላየን ሚዲያዎች መጠነኛ ክፍተት ቢኖርባቸውም ከመደበኛው የመገናኛ ብዙሀን በተሻለ መረጃዎችን በፍጥነት በማድረስና ለብዙ ሰዎች የመረጃ ምንጭ የመሆን ሂደታቸውን ያጠናከሩበት ጊዜ ነበር። የለውጡ አየር ይዞት የመጣው ሀሳብን የመግለፅ ነፃነትና መለስተኛ የመገናኛ ብዙሀን በነፃነት የመንቀሳቀስ ምህዳር መፈጠሩ አዳዲስ የኦንላየን መገናኛ ብዙሀን እንዲፈጠሩ አስችሏል። እኛም ይህን አመርቂ ጅምር በመንተራስ ወደ ኦንላየን ሚዲያው መቀላቀልና በሀገራችን የለውጥ ሂደት ላይ ገንቢ ሚናን የሚጫወት፣ የተንሻፈፉ እንቅስቃሴዎች ሲኖሩም የሚተች "ፊደል ሚዲያ" የተሰኘ የኦንላየን ሚዲያ ለመክፈት ቅድመ ዝግጅት አጠናቀን መጥተናል። "ፊደል" የሚል ስያሜን የሰጠነው ይህ የኦንላየን ሚዲያም በፖለቲካዊ፣ ኢኮኖሚያዊና ማህበራዊ ሂደቶች ላይ ዋነኛ ትኩረት አድርጎ ወቅታዊ ጉዳዮችን የሚዘግብ ሲሆን በተለያዩ የሀገራችንና አለምአቀፍ ሁነቶችን ዘርፎች ላይም የሚሰራ ይሆናል። ከዚሁ ጋር በተያያዘም የዩትዩብ ገፃችን ሰብስክራይብ፣ ላይክና ሼር በማድረግ መረጃዎችን ማግኘትና ቤተሰብ መሆን እንዲሁም ለወዳጅ ዘመድ ማጋራት እንደምትችሉ ለመግለፅ እንወዳለን። ኢትዮጵያ ለዘላለም ትኑር!!!